Samfylkingarkonur skora á ríkisstjórnina að semja við ljósmæður

Kvennahreyfing Samfylkingarinnar lýsir yfir þungum áhyggjum af þeirri launadeilu sem upp er komin milli ríkisins og ljósmæðra.  Einnig lýsir Kvennahreyfingin yfir þungum áhyggjum af öryggi fæðandi kvenna og nýbura.

 

Laun ljósmæðra eru með því sem lægst gerist innan Bandalags háskólamanna þótt nám þeirra sé eitt það lengsta sem krafist er af ríkisstarfsmönnum.

Byrjunarlaun ljósmæðra eru til dæmis helmingi lægri en byrjunarlaun verkfræðinga með meistaragráðu.  Launakjör ljósmæðra eru til marks um að hvorki þarfir né störf kvenna séu metin að verðleikum.  Kvennahreyfing Samfylkingarinnar leggur áherslu á að störf ljósmæðra verði endurmetin miðað við þá miklu ábyrgð sem þær gegna.

 

Ríkisstjórnarflokkarnir hafa þá stefnu að jafna óútskýrðan kynbundinn launamun hjá ríkinu. Semja þarf um kjör handa ljósmæðrum sem standast samanburð við sambærilegar karlastéttir. Það gæfi íslenskum konum von um að jafnréttismarkmið ríkisstjórnarinnar stæðust.

 

Stjórn kvennahreyfingar Samfylkingarinnar skorar á ríkisstjórnarflokkana að leiða kjaradeiluna til lykta og standa þannig við stefnuyfirlýsingu ríkisstjórnarinnar um endurmat launa hefðbundinna kvennastétta.


« Síðasta færsla

Athugasemdir

1 identicon

Tek heilshugar undir þessa áskorun.

Gísli Baldvinsson (IP-tala skráð) 3.9.2008 kl. 11:39

2 Smámynd: Bryndís G Friðgeirsdóttir

Heyr, heyr ! Vel orðuð áskorun.

Nú þarf að breyta um hugsunarhátt, breyta orðalaginu. Við þurfum að kalla hlutina réttum nöfnum. Hættum að tala um að það þurfi að hækka laun ljósmæðra. Það á að LEIÐRÉTTA laun ljósmæðra !!

Bryndís G Friðgeirsdóttir, 12.9.2008 kl. 21:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundar

Trúnó
Trúnó
Trúnó er vettvangur kvenna sem aðhyllast femíníska jafnaðarstefnu

Tónlistarspilari

Brigitte Bardot - Ca pourrait changer

Innskráning

Ath. Vinsamlegast kveikið á Javascript til að hefja innskráningu.

Hafðu samband